Karai Kasang lawm ai mung masa rai ra ai

Kachin Politics Mediation Research Network (KPMRN)

1.       Mung masa ngu ai hpa rai ta?

2.       Mung masa ngu ai hpe masha ni hpa majaw galaw ma ta?

3.       Mung masa hpe gadai ni mai galaw a ta?  

Mung masa ngu ai hpa rai ta?

                Mung masa ngu ai gaw mung masa galaw ai wuhpung langai hte langai a lapran hta gadai wa gaw hpa baw hpe lu la na, hpa hpe jawm garan hkat na ngu ai hpe shaleng ai masa langai re ngu nna tsun tim nshut ai. Grai law ai ningmu ni hta hta lahta na lam gaw langai rai nga ai.

Mung masa ngu ai hpe masha ni hpa majaw galaw ma ta?

                Mung masa galaw ai ni (shing nrai) mung masa wuhpung hpaw ai ni a yaw shada ai lam hta, nkau mi tinang myu sha ni hpe woi hkye la na matu galaw ma ai. Nkau mi gaw tinang a ana (authority) hte akyu ara a matu galaw ma ai. Shaleng dan na lam law law nga ai kaw na lahta na lam ni gaw ga shadawn langai rai nga ai.

Mung masa hpe gadai ni mai galaw a ta?  

            Mung masa hpe gadai rai tim mai galaw ai, rai tim mung masa n galaw ai ni gaw ana (authority) ngu ai kata de shing nrai dai hte seng ai mahkri tawn ai sumri kaw shang na matu nloi la nga ai. Hpa majaw nga yang mung masa mahkri shawn ai sumri ngu ai hta, mung masa ning mu bung ai shada gyit dun tawn ai sumri hpe tsun mayu ai rai nga ai. Dai re majaw dai zawn gyit dun tawn ai sumri hpe ngang hkra shangang shakang na gaw, dai sumri hpe tek jum tawn ai ni a ra sharawng ai hkrang hpe shaw la ai lam rai nga ai. Dai majaw ndai kaw tsun mayu ai lachyum gaw mung masa hpe gin sup ai ladat hte galaw na kun? myu sha lawt lam hpe madung tawn nna galaw na kun? ngu ai mabyin lahkawng hpe tsun sang lang ra na mabyin kum la ni nga wa ai rai.

Mung masa hpe ginsup ai hku galaw ai lam

                Mung masa hpe ginsup ai hku galaw ai ladat gaw, ningmu nbung ai ni shada da ga law hkat ai rai tim, wuhpung langai hte langai a akyu ara rap ra na kum la hkrang wa ai aten du jang gaw ga law hkat ai lam hpe lani mi a jan hta mung mai shazim kau nga ai. Ndai zawn e mung masa ladat gaw (authority) hpe madung tawn ai ai mung masa ginsup ladat rai nga ai. Ndai zawn re ladat hpe jai lang ai mung masa ginsup ladat gaw tinang a hpyen hte mung lagaw lagram jing hku hku tawn chye ma ai. Ndai lahta na lam ni hpe azin ayang bai matut manoi sharing galaw mat wa na ga ai. 
By: myutsaw shadang